Samfélagsmiðlastjarnan Edda Falak segir að það sé svo sorglegt hve mikið það virðist hlakka í fólki þegar það heldur að tveimur konum hafi lent saman. Edda ræðir málið á Twitter síðu sinni.
Tilefnið eru fréttir þess efnis að Fjóla Sigurðardóttir, annar þáttastjórnenda hlaðvarpsins Eigin Konur, hafi tilkynnt um helgina að hún sé hætt í hlaðvarpinu. DV birti í kjölfarið frétt um að sögusagnir um að kastast hefði í kekki á milli þeirra væru háværar.
Var þar meðal annars tekið fram að Fjóla hefði ekki minnst einu orði á Eddu í tilkynningu sinni um að hún væri hætt í þáttunum. Þá hefur Edda Falak að sama skapi ekki brugðist við tíðindunum með neinum hætti og þykir það renna enn frekari stoðum undir orðróminn.
Edda tjáir sig ekki efnislega um orðróminn, en úr orðum hennar má lesa að ekkert sé til í því sem slegið hefur verið upp um meint ósætti þeirra. „Það er svo sorglegt hvað það virðist hlakka alltaf í fólki þegar því er talið trú um að konum hafi lent saman eða séu að “beefa,“ skrifar Edda.
Hún er spurð hvað sé eiginlega málið og hvort að fólk haldi í alvöru að allar konur séu alltaf sammála um allt. Edda svarar:
„ég held að það veiti fólki sem líður illa og fólki sem er uppfullt af minnimáttarkennd, einhverskonar ánægju þegar það heldur að öðrum gangi illa.“
Það er svo sorglegt hvað það virðist hlakka alltaf í fólki þegar því er talið trú um að konum hafi lent saman eða séu að “beefa”
— Edda Falak (@eddafalak) September 12, 2021