Edda Falak, hlaðvarpsþáttastjórnandi og fjármálafræðingur, gefur hinum svokölluðu loftökum ekki háa einkunn. Sumum þykja þessar dísætu kökur ómissandi með kaffinu og yfir jólahátíðina. Edda Falak er ekki í þeim hópi.
„Spáið í þvi að vera í búðinni og bara: heyrðu, hvar ertu með loftkökurnar?,“ sagði Edda á Twitter um helgina og birti mynd af loftkökukassa frá kexverksmiðjunni Frón. Edda bætti svo við í annarri færslu að hún hafi alltaf fengið loftkökur í skóinn þegar hún var óþekk.
Eins og oft vill verða eru skiptar skoðanir á færslu Eddu, sumir taka heilshugar undir með henni á meðan aðrir eru á öndverðum meiði.
„Ég fæ sömu tilfinningu í tennurnar af að sjá þetta og að sjá ógeðslega atriðið í American History X,“ segir Ágúst Már Garðarsson, betur þekktur sem Gústi Chef á Twitter. „Sjaldan smakkað verri smákökur en þessar,“ segir í annarri athugasemd.
„Láttu ekki svona, þetta eru snilldar kökur,“ segir einn á meðan annar bætir við: „Mér finnst loftkökur frá of mikið hate. Einu jólasmákökurnar sem ég fýla.“
Spáið i þvi að vera í búðinni og bara: heyrðu, hvar ertu með loftkökurnar? pic.twitter.com/16MRo9FwZu
— Edda Falak (@eddafalak) December 5, 2021
