„Oft hefurðu komið mér til að hlæja Kári Stefánsson en nú græt ég þökk sé þér,“ segir Edda Björgvinsdóttir, ein ástsælasta leikkona þjóðarinnar.
Kári Stefánsson, forstjóri Íslenskrar erfðagreiningar, sýndi á sér nýjar hliðar í gær þegar hann, ásamt hljómsveitinni Hjálmum, gaf út nýtt lag.
Hjálmar hafa í gegnum tíðina farið í samstarf með hinum ýmsu listamönnum. Að þessu sinni var það vísindamaðurinn, læknirinn og ljóðskáldið Kári Stefánsson. Það var Þorsteinn Einarsson, Steini í Hjálmum, sem samdi undurfagurt lag við ljóð Kára sem hann orti til eiginkonu sinnar á sjötugsafmæli hennar, Kona í appelsínugulum kjól. Lagið kom út í gær og vakti það strax mikla athygli. Edda Björgvinsdóttir hlustaði og horfði á myndbandið við lagið af athygli.
„Það er hollt að gráta og þetta undurfallega ljóð og lag kom sannarlega hreyfingu á tárakirtlana,“ segir hún á Facebook-síðu sinni.
Myndbandið við lagið má sjá hér að neðan: