Davíð svarar fullum hálsi: „Hvernig fáið þér um­flúið hel­vítis­dóm?“

Sóknar­presturinn Davíð Þór Jóns­son líkir Katrínu Jakobs­dóttur við farísea í nýrri færslu á Facebook, þar sem hann svarar viðbrögðum hennar við umdeildri færslu sinni.

Í gær vakti talsverða athygli þegar Davíð sagði að það væri sér­stakur staður sé í hel­víti fyrir fólk sem selji sálu sína fyrir völd og veg­tyllur, vegna fyrir­hugaðra brott­vísana. Katrín svaraði þeim í kjölfarið og sagði ummælin dæma sig sjálf: „Og ég verð að segja það að mér finnst um­mæli Davíðs Þórs dæma sig al­gjör­lega sjálf.“

Davíð lætur sér fátt um finnast um þetta svar Katrínar, að því er lesa má úr nýjustu Face­book færslu hans. Hann virðist setja sjálfan sig í hlutverk Jesús Krists og Katrínu í hlutverk Farísea. Færslan er svohljóðandi:

„Jesús: Vei yður, fræði­menn og farísear, hræsnarar! Högg­ormar og nöðru­kyn, hvernig fáið þér um­flúið hel­vítis­dóm? Þess vegna sendi ég til yðar spá­menn, spekinga og fræði­menn. Suma þeirra munuð þér líf­láta og kross­festa, aðra húð­strýkja í sam­kundum yðar og of­sækja borg úr borg. Þannig kemur yfir yður allt sak­laust blóð sem út­hellt hefur verið á jörðinni,“ skrifar Davíð Þór og bætir við:

„Farísei: Þessi orð dæma sig sjálf.“