Í þeirri örvæntingarfullu kosningabaráttu sem Davíð Oddsson og hans nánustu heyja nú vegna komandi forsetakosninga er allt reynt. Sumt kunnulegt eins og hvernig Davíð ræðst að keppinautum sínum með niðrandi ummælum, ósannindum og útúrsnúningum. Annað gengur út á að reyna að hefja þennan umdeilda mann upp til skýjanna og helst í guðatölu.

Nei, takk!

Framsókn er komin niður í 4 þingmenn og Samfylking í 5 þingmenn samkvæmt skoðanakönnun sem Fréttablaðið birti í morgun. Björt framtíð kæmi ekki manni á þing.

Sigmundur Davíð Gunnlaugsson hefur sent frá sér upplýsingar um skattgreiðslur þeirra hjóna síðustu 9 árin. Morgunblaðið slær þessu upp á forsíðu í dag og leggur sig svo mikið fram um að gera sem mest úr skattgreiðslum þeirra hjóna að blaðið reiknar þær til verðlags í dag. Verðbætir fjárhæðina um 100 milljónir. Þetta er óvenjulegt hjá blaðinu og sýnir að mönnum er mikið í mun að gera sem mest úr skattgreiðslum þeirra.

Eftir nýjustu fréttir af forsetaskaupinu, hljóta menn að spyrja: Hvar er Jón Baldvin Hannibalsson? Það vantar nú ekkert annað en að hann fari í framboð til að kóróna vitleysuna endanlega.

Hvað þarf til að fella Ólaf Ragnar Grímsson í komandi kosningum?