Fyrrverandi forsetafrú Íslands, Dorrit Moussaieff, lenti í heldur miður atviki í gærkvöldi er óprúttnir aðilar brutust inn í bíl hennar fyrir utan Mayfair hótelið í London í gær.
Dorrit greinir sjálf frá innbrotinu og britir mynd af því á Instagram. Þar má sjá glerbrot um allan bíl og virðist frekar ljóst að þjófarnir hafa brotið rúðu til að komast í persónulega muni Dorritar.
Dorrit virðist þó ekki kippa sig mikið upp við þjófnaðinn og segir þjófana hafa skilið verðmætasta hlutinn eftir. „Verðmætasti hluturinn, íslenska vatnið, var þó skilið eftir,“ skrifar Dorrit á Instagram.