Bæjarráð Garðabæjar hefur veitt Bjarna Benediktssyni fjármálaráðherra leyfi fyrir byggingu útigeymslu, útisturtu og gróðurhúss við heimili sitt að Bakkaflöt.
Fréttablaðið segir frá þessu.
Bjarni hefur komið sér vel fyrir í Garðabænum ásamt eiginkonu sinni, Þóru Margréti Baldvinsdóttur, en hús þeirra er rétt um 450 fermetrar. Fasteignamat hússins var 165,9 milljónir í fyrra, samkvæmt úttekt DV.
Eiginkona Bjarna, Þóra Margrét, var einn af umsjónarmönnum þáttarins Falleg íslensk heimili árið 2017. Hún er innanhússráðgjafi og með allt upp á tíu þegar kemur að heimili og hönnun.
Bjarni hefur haft í mörg horn að líta undanfarin misseri enda krefjandi tímar um þessar mundir í íslensku efnahagslífi.