Í dag var aðalmeðferð fyrir Héraðsdómi Reykjavíkur í máli Ernu Bjarkar Häsler gegn nágranna sínum, Ágúst Ómari Berg. Um miklar nágrannadeilur er að ræða, en Erna krefst þess að Ágúst rífi sólpall sem telst til sameignar fólksins. Eiginmaður Ernu er athafnamaðurinn Björn Steinbekk.
DV hefur fjallað ítarlega um málið.
Það sauð allt upp úr í dómsalnum, en það er ljóst að mikill fjandskapur er á milli nágrannanna.
„Hættu að horfa á mig. Dómari, hann er að áreita mig,“ sagði Erna er hún bar vitni og var augljóslega í uppnámi. Dómari hirti ekki um þessar kvartanir, sagði að nágranni hennar hefði rétt á að horfa á hana á meðan hún gæfi vitni og hún ætti að horfa á hann, dómarann, en ekki á nágrannann.
„Við höfum ekki verið velkomin í okkar eigin garð,“ sagði Björn er hann gaf vitni og var spurður út í möguleg afnot þeirra af veröndinni. Nefndi hann fjandsamlegt viðmót nágrannanna er börn hans og Ernu hefðu misst bolta inn á veröndina og væri það til marks um að nágrannarnir gengju um hana eins og sína séreign.
Hægt er að lesa meira hér.