Birkir Kristinsson sem lék knattspyrnu á árum áður með Fram, ÍBV, ÍA og Stoke City opnar sig um í samtali við Fotbolta.net hvernig það hafi verið að sitja í fangelsi. Birkir sem varði mark íslenska landsliðsins um árabil var viðskiptastjóri Glitnis fyrir hrun. Hann var dæmdur í fjögurra ára fangelsi fyrir efna
Birkir hafði verið viðskiptastjóri einkabankaþjónustu hjá Glitni á árunum fyrir hrun og var dæmdur í fjögurra ára fangelsi fyrir efnahagsbrot í desember 2015. Birkir hafði verið ákærður fyrir umboðssvik, markaðssmisnotkun og bröt á lögum um ársreikninga í tengslum við 3,8 milljarða lánveitingu Glitnis til félagsins BK-44 í nóvember 2007. Félagið var í eigu Birkis.
Birgir segir í samtali við fotbolta.net að hann hafi strax óskað eftir að hefja afplánun.
„Þetta var í sjálfu sér ömurleg tímasetning. Ég held að allar tímasetningar séu ömurlegar í þessu en erfitt rétt fyrir jól gagnvart fjölskyldunni og þeim sem standa mér næst. Það var erfitt en ég var búinn að ákveða að ef þetta færi á versta veg þá myndi ég hefja afplánun strax því ég vildi ekki hafa þetta yfir hausamótunum á mér,“ segir Birkir sem hóf afplánun í kringum 20. desember.
Birkir segir þetta hafa verið einkennilega tíma.
„Ég óska engum þess að þurfa að sitja inni. Ég bað ekki um það og langaði ekki til þess en þegar það var kominn dómur var ekkert annað en að fylgja þeim dómi og bíta í það súra epli og takast á við það.“
Söngkonan Ragnhildur Gísladóttir, eiginkona Birkir tjáði sig um þennan tíma á síðasta ári í þætti Loga Bergmanns. Þar sagði Ragnhildur:
„Það var bara eins og ég hefði fengið dóm. Þegar fólk er svona tengt og er bara eitt eins og við erum þá tekur maður þetta bara í hjartað.“ Ragnhildur gagnrýndi einnig dómstóla hér á landi og hélt að málið yrði látið niðurfalla í Hæstarétti. Ragnhildur sagði:
„Maður verður bara svo hissa og maður bara trúir varla að hafa þurft að fara í gegnum þetta. Að hafa þurft að kyngja þessu frá þessari æðstu stofnun ríkisins.“
