Tónlistarmaður Birgir Þórarinsson betur þekktur sem Biggi Veira, skrifar um Framsóknarflokkinn í umræðuhóp Sósíalistaflokks Íslands í dag.
„Nú, en stefna þeirra er meira eða minna stefna samfylkingarinnar og fráfarandi meirihluta? Það var nokkuð ljóst að kosningaplott Framsóknar var umpólun frá fyrri kosningabaráttu. Í stað þess að finna eitthvað á móti meirihlutanum var lagt áherslu á að styðja það sem meirihlutinn hefur gert vel en bjóða upp á nýjan borgarstjóra í Einar,“ skrifar Biggi og deilir frétt Vísis um að Einar útilokar að undirgangast stefnu Samfylkingarinnar í borginni.
„Ef ég ætlaði mér að gera það hefði ég bara farið í framboð fyrir Samfylkinguna, þannig að það kemur ekki til greina,“ sagði Einar í kvöldfréttum á mánudaginn.
„Þ.e. þetta tal Einars er bara eitthvað blaður, til að gera góð mál Samfylkingarinnar og annarra í fráfarandi meirihluta að sínum á komandi árum en skilja ruglið límt á fráfarandi Degi. Best væri ef Líf mundi segja sig úr VG og ganga til liðs við sósíalista og fá þannig inn möguleika á SPCJ með Sjönnu sem borgarstjóra. Það mundi aðeins slökkva á þessu Framsóknar rugli,“ heldur Biggi áfram.
