„Ég heiti Bergsveinn og er einn af þeim fjölmörgu björgunarsveitarmönnum hringinn í kringum landið sem er reiðubúinn að aðstoða ykkur hvenær sem er. Það er ekki langt síðan ég var síðast úti í skafli í snarvitlausu veðri að aðstoða fólk sem hafði lent í vandræðum.“
Þetta segir Bergsveinn, bóndi og björgunarsveitarmaður sem biðlar til fólks að halda sig heima um páskana. Hann birti myndband á Facebook sem hefur vakið mikla athygli og dreifingu. Myndbandið er stutt en skilaboðin mikilvæg.
„Verið heima. Þá getum við hin kannski fengið að vera heima líka,“ segir Bergsveinn á einum stað í myndbandinu. Við gefum Bergsveini orðið en myndskeiðið sjálft má sjá neðst í þessari umfjöllun.
„Björgunarsveitarfólk er flest allt eitthvað annað líka. Þetta er starfsfólk úr heilsugæslu, þetta eru snjómokarar, þetta eru sjúkrafluttningamenn eða slökkviliðsmenn eða persónu sem þurfa að standa sína plikt í einkalífinu líka, þetta eru foreldrar. Þetta eru afar og ömmu.
Ég er til dæmis sauðfjárbóndi og það verða hérna í maí 1500 svangir munnar í fjárhúsunum mínum sem treysta á að ég geti staðið mína plikt.
Fyrir ykkur sem eruð ekki búin að ákveða að vera heima um páskana vil ég bara segja eitt:
Hlýðið Víði. Gerið bara eins og hann segir. Verið heima. Þá getum við hin kannski fengið að vera heima líka.“