Fjölskylduhjálp Íslands í Iðufelli í Breiðholti afgreiddi mataraðstoð til 1.990 heimila frá 15. mars síðastliðnum til 1. júlí. Þetta kemur fram í tilkynningu sem Ásgerður Jóna Flosadóttir, formaður Fjölskylduhjálparinnar, sendi fjölmiðlum.
Fjöldi einstaklinga sem nutu mataraðstoðar voru 3446 talsins. Þá afgreiddi starfsstöð Fjölskylduhjálparinnar í Reykjanesbæ mataraðstoð til 888 heimila frá 15. apríl til 1. Júlí. Í júnímánuði afgreiddu sjálfboðaliðar á Reykjanesi að meðaltali alla vikra daga mataraðstoð til 30 heimila.
Fjöldi einstaklinga sem nutu aðstoðarinnar í heildina eru um og yfir 5000 þúsund. Einstaklingar í Reykjanesbæ sem nutu mataraðstoðar voru 1554 talsins.
„Við þurfum að hjálpa mun meiri fjölda og þörfin mun bara vaxa á næstu misserum,“ segir Ásgerður Jóna í tilkynningunni.
