Eins og Fréttablaðiðgreindi frá fyrir helgi var Margréti Friðriksdóttur, ritstjóra Frettin.is, vísað úr flugvél Icelandair er hún var að leið til Þýskalands.
Samkvæmt heimildum Fréttablaðsins var Margreti vísað úr vélinni fyrir að neita að setja á sig grímu en grímuskylda er enn við líði í öllum flugum til Þýskalands. Margrét segist sjálf hafa sett á sig grímu og segir að starfsfólk Icelandair hafi verið ókurteist við sig en henni var fylgt úr vélinni í lögreglufylgd.
Stjörnufyrirsætan Ásdís Rán hefur komið Margréti til varnar og sakar flugfreyjur Icelandair um að hafa viljandi hent Margréti úr vélinni.
„Aðeins of langt gengið af flugþjónum að vísa farþega út i staðinn fyrir að redda öðru plássi fyrir tösku og sjattla málin, þær eiga að vera þjálfaðar i þvi. Konan setti upp grímuna og vantaði bara pláss fyrir töskuna sem hún var búin að borga fyrir og inniheldur randýran búnað. Lítið mál að redda þessu a viðeigandi kurteisan hátt án þess að kynda undir aðstæðum. Þær hafa pottþétt vitað hver Margrét er og örugglega verið með stæla útaf því,“ skrifar Ásdís á Facebook í athugasemd undir frétt Fréttablaðsins.
