Í gærkvöldi greindi Vísir frá því að Ruja Ignatova, stofnandi rafmyntarinnar OneCoin, væri komin á topp tíu lista bandarísku alríkislögreglunnar, FBI, yfir eftirsóttustu glæpamenn heims. Ástæðan er rafmynt sem hún bjó til sem heitir OneCoin, og svikum sem tengjast henni
Umrædd Ruja Ignatova er mjög góð vinkona Athafnakonunnar og fyrirsætunnar Ásdísar Ránar, og býr meðal annars í íbúð hennar í Búlgaríu. Ekki hefur sést til Ignatova frá árinu 2017.
Í viðtali við Smartland tjáði Ásdís sig um málið, en hún var meðal annars spurð út í hvernig manneskja Ruja Ignatova væri.
„Hún er ótúrlega klár. Ég hef sjaldan kynnst eins klárri manneskju á minni ævi. En hún er líka bara venjuleg stelpa og gerðum skemmtilega hluti saman, fengum okkur hvítvín og fórum út að borða. Hennar plan var alltaf að búa til rafmynt sem myndi skara fram úr bitcoin. Planið var ekki að búa til neina svikamillu,“
Þá var Ásdís spurð út í örlög vinkonu sinnar og sagði: „Ég var með þá skoðun að hún væri í felum en í dag þá held ég að hún sé ekki á lífi. Einhvern veginn finnst mér eins og hún sé ekki á lífi,“
Að lokum tjáði Ásdís sig um hvernig áhrif þetta hefði á sig tilfinningaleg og hvernig sorgarferlið hefði verið.
„Þetta er svolítið erfitt því tilfinningarnar kastast fram og til baka. Ég veit ekki hvort ég á að syrgja eða ekki. Er hún á lífi eða ekki. Sorgarferlið er skrýtið. Það byrjar ekki. Kannski er hún á lífi og kannski ekki. Stundum veit ég ekki hvernig mér á að líða. Kannski er hún bara með kokteil í hönd á Hawaii. Þetta hefur verið mjög erfitt fyrir mig og líka fyrir dóttur mína sem þekkti hana vel. Það fylgir þessu mikil sorg,“
