Fréttamaðurinn geðþekki Magnús Hlynur Hreiðarsson nýtur lífsins í sólarsælunni á paradísareyjunni Tenerife ásamt konu sinni, Önnu Margréti Magnúsdóttur, á meðan landsmenn glíma við hvassviðri og gular og appelsínugular veðurviðvaranir.
Í gær birti Magnús Hlynur ansi skemmtilega mynd af Önnu Margréti þar sem hún brosir út að eyrum með kampavínsglas í hendi.
„Það var bankað á hurðina hjá okkur á hótelinu rétt í þessu og þar stóð starfsmaður með kampavínsflösku og þakkarbréf til Önnu Margrétar, en hún stökk til þegar hótelgestur fyrr í dag missti skyndilega meðvitund í almenningsrými hótelsins. Hringt var á sjúkrabíl og veitti Anna fyrstu hjálp þar til sjúkrabíllinn kom,“ skrifar Magnús Hlynur.
Þá fylgir ekki sögunni um afdrif hótelgestsins, en ljóst er að Anna Margrét drýgði þarna sannkallaða hetjudáð. .