„Ég skilgreini þetta ekki sem rasisma,“ segir Anna Karen Jónsdóttir, hagfræðingur, í samtali við Mannlíf. Pistill hennar í Morgunblaðinu í dag hefur vakið harða gagnrýni á samfélagsmiðlum í dag.
Í pistlinum, sem ber heitið „Rasismi og affjármögnun lögreglu“ fer Anna hörðum orðum um Black Lives Matter hreyfinguna og segir það liggja í augum uppi að hreyfingin sé til þess fallin að eyðileggja vestræn gildi og vestræn samfélög.
Sjá einnig: „Óska þess innilega að þetta sé ekki raunveruleg manneskja sem skrifar svona“
Þá gerir Anna Karen lítið úr fjölda þeirra svartra einstaklinga sem myrtir eru af lögreglunni í Bandaríkjunum. „Þrátt fyrir að vera bara 13,4% þjóðinnar þá eru svartir í langflestum tilfellum yfirgnæfandi meirihluti afbrotamanna,“ skrifar Anna.
Í samtali við Mannlíf segist hún telja réttindabaráttu svartra, Black Lives Matter, vera kommúnistahreyfingu og því slæma. „Ég vil ekki kommúnisma, ég vil ekki kommúnisma,“ margendurtók Anna Karen.
„Þetta er staðreynd. Það er eins og megi ekki ræða staðreyndir. Það er eins og það sé eitthvað í menningunni þeirra,“ sagði hún aðspurð um hvort hún telji svarta Bandaríkjamenn frekar vera glæpamenn en aðra.