Aníta Rut Harðardóttir, varðstjóri hjá Lögreglunni á höfuðborgarsvæðinu, segir í samtali við 24.is að það eigi alls ekki alltaf að trúa þolendum: „Ég vil koma því á framfæri að mér finnst að eigi aldrei að þurfa skilyrðislaust að trúa þeim sem stíga fram og kalla sig þolendur. Ég stend alveg föst á því.“
Aníta deildi á facebook frétt Mannlífs mál Þórhildar Gyðu Arnarsdóttur og sagði: „Full á djamminu.is“ Þórhildur Gyða varð landsþekkt eftir að hún steig fram vegna máls knattspyrnumannsins Kolbeins Sigþórssonar, sakaði hún hann um að beita sig ofbeldi í miðbænum.
Þórhildur segir skrif Anítu sorgleg í samtali við 24.is: „Það er sorglegt að sjá lögreglukonu gefa í skyn að ef þú ert full á djamminu áttu ofbeldi skilið,“ sagði hún. „Vona innilega að hún sjái ekki um að taka skýrslur brotaþola í ofbeldismálum því það væri grafalvarlegt miðað við viðhorf hennar.“
Formaður Landssambands lögreglumanna sagði við Fréttablaðið í vikunni að það væri alls ekki rétt að lögreglumenn láti meðvitað þjóðfélagsstöðu þolenda og gerenda í kynferðisbrotamálum hafa áhrif á skýrslutökur eða rannsóknir. Smelltu hér til að lesa fréttina.