Alls hafa átján látist hér á landi vegna COVID-19, en einstaklingur á tíræðisaldri lést á Landspítalanum í gær. Þetta kom fram á upplýsingafundi almannavarnardeildar ríkislögreglustjóra sem nú stendur yfir.
25 innanlandssmit greindust hér á landi í gær en meirihluti þeirra sem greindust voru í sóttkví, eða 80%. Alls er nú 71 á sjúkrahúsi vegna veirunnar og þrír á gjörgæslu.
Nú hafa rétt rúmlega fimm þúsund smit komið upp á Íslandi síðan að fyrsta smitið greindist hér á landi í lok febrúarmánaðar. Voru smitin orðin 5.017 í gær.