Það er fátt sem fólki að norðan finnst skemmtilegra en vandræði fólks á höfuðborgarsvæðinu með smá snjókomu. Þennan vetur var mikið deilumál hversu illa gekk að hreinsa götur borgarinnar þegar snjórinn var sem verstur og mátti borgarstjórn sæta mikilli gagnrýni vegna málsins.
Gylfi Gylfa nokkur ákvað að gera kennslumyndband fyrir Reykvíkinga um hvernig ætti að moka snjó og tala við verktaka sem koma ekki.
„Þegar Reykjavíkurborg skrifaði ástand snjómoksturs á verktaka sem mættu ekki þá kom mér til hugar að veita sérfræðiaðstoð að norðan, og hér er hún á norðlensku. Auðvitað eru hlutirnir ekki fullkomnir hér nyrðra en bærinn má eiga það skuldlaust að nota oft á tíðum afskaplega góða verktaka sem gera snjómokstri góð skil, og mæta flestir þegar kallið kemur sem er býsna stórt atriði. En umræða borgarinnar um "stýrifyndi" til lausnar vandanum í sjónvarpi fyrir skemmstu er kannski ekki alveg lausnin og skrifræði mokar jú ekki snjó, þó ríkur vilji sé til þess þar syðra,“ skrifaði Gylfi undir myndbandið.
Þetta sprenghlægilega myndband er hægt að sjá hér fyrir neðan.