Sextíu og fjögurra ára gömul kona sem hefur starfað á hjúkrunarheimilinu Hlíð á Akureyri í 20 ár hefur fengið uppsagnarbréf frá Heilsuvernd Hjúkrunarheimili ehf. Drífa Snædal, forseti ASÍ, vekur athygli á málinu á Facebook þar hún lætur hjúkrunarheimilið heyra það fyrir að losa sig við sitt reyndasta starfsfólk.
„Heilsuvernd hjúkrunarheimili ehf. hefur tekið við rekstrinum á Hlíð á Akureyri og tvínóna ekki við hlutina,“ skrifar Drífa.
„Svei þeim og svei arðvæðingunni! Nú á að losa sig við “dýra” starfsfólkið og ná “hagræðingu”. Starfsfólkið er fyrst til að taka skellinn, þetta líðst með vitund og vilja ríkis og sveitarfélagsins!,“ skrifar Drífa enn fremur.
Í athugasemdum undir færslu Drífu eru margir afar ósáttir með uppsögnina og segir fólk málið verða svívirðilegt. Jón Þór Víglundsson, upplýsingafulltrúi Örykjabandalagsins, segir það vera skítabragð af þessu máli öllu.
„Er það semsagt svona sem á að ná niður kostnaði við lögbundna og nauðsynlega þjónustu við elsta fólkið hér á landi?,“ segir Helga Vala Helgadóttir, þingmaður Samfylkingarinnar.
