Alls greindust 45 kórónuveirusmit innanlands í gær, nokkuð færri en á mánudag þegar 62 greindust. 24 einstaklingar voru utan sóttkvíar.
Aðeins eitt smit greindist á landamærunum og er beðið niðurstöðu mótefnamælingar úr þeirri sýnatöku.
Þetta kemur fram í tölum sem birtust á vefnum Covid.is nú klukkan 11.
Alls eru 1.132 einstaklingar í einangrun vegan COVID-19 og hefur þeim farið fækkandi. Þannig voru þeir 1.169 í gær og 1.175 á mánudag.